Eg heiter Roksana, eg er 23 år og kjem frå Eigersund. Eg er gift (ja, eg veit eg er ung), og bur no i flotte Ryfylke på ei øy som heiter Finnøy. Eg er forøvrig halvt persisk (derav det uvanlege namnet)
Då eg var ferdig på vidaregåande hadde eg ikkje aning om kva eg skulle studere. Eg var derfor så smart at eg tok meg eitt år fri. Dette året fekk eg tid til å tenkje over kva eg skulle gjere med framtida mi, på same tid som eg bretta klede (og brukte altfor mykje penger) på H&M. Då mitt friår var over hadde eg bestemt meg for å starte på det splitter nye lektorprogrammet ved UiS. Det var ikkje vanskeleg å bestemme meg for kva dybdefag eg skulle ha, då eg alltid har vore interessert i båe språk og litteratur - så då blei det nordisk. Eg valde å ta engelsk som breddefag.
Tida flyr og no er eg masterstudent. Då er det slik at eg måtte opprette denne bloggen, som ein del av faget; Ny skriftkultur. Eg har litt erfaring innan blogg frå før. Eg har skrive sikkert 200 blogginnlegg på ein blogg eg hadde i omtrent 5 år, men bestemte meg for å stengje denne for resten av omverda. Det gjorde eg med tanke på at eg hadde skrive ein del tankelause innlegg, som eg ikkje ville at heile verda skulle kunne døma meg for.
I vår skreiv eg bacheloroppgåve. I denne oppgåva tok eg for meg særkskriving i elevtekstar. Det var veldig interessant å jobba med, og til tider veldig vanskeleg. Til slutt var eg temmeleg nøgd med sluttresultatet og ser på det som ein god erfaring. Når eg skal begynne på masteroppgåva om eitt års tid, vil eg truleg skrive om noko språkrelatert, men ser ikkje vekk frå at det kan bli noko litteraturrelatert. Båe språk og litteratur er, som tidlegare nemnt, store interesser av meg. Å lese bøker er noko av det kjekkaste eg gjer, og eg liker å seie at dei som les bøker lever mange liv.
Då blir det visst ein del blogging i tida som kjem. Det kan bli interessant å sjå korleis det blir.
Me bloggast!
- Roksana
